一支油，一個安心


喺芳療世界，如果只可以揀一支精油傍身，十個有九個專業芳療師都會揀薰衣草。而我為「mommy.A+b」嚴選嘅係 有機真正薰衣草精油。佢係最全能、而且最溫柔。今日，我想同大家拆解吓，點解佢可以由內到外，成為你屋企嘅第一道防線。

 

認識真正嘅「鎮靜天后」

 

首先，要認清我哋用嘅係 「真正薰衣草」，學名 Lavandula angustifolia。平時喺出面見到好大陣味、價錢好平嘅，好多時係「醒目薰衣草」或者「穗花薰衣草」。

 

點解要分得咁清？

 

  • 成份好唔同： 真正薰衣草有好多「乙酸芳樟酯」，呢種成份可以幫你鎮靜、修復同平衡。高酯類 + 中量單萜醇。呢個組合令佢好親膚，可以幫手安撫神經，亦可以令皮膚細胞生返好。

 

  • 氣味嘅分別： 真正薰衣草聞落去係好柔和、帶點花果甜味嘅。相反，醒目薰衣草含有較多樟腦，聞落會比較刺鼻，雖然對呼吸道或者肌肉痠痛有啲幫助，但就無咗嗰種安撫情緒、助眠嘅功效。

 

  • 溫和度： 真正薰衣草極度溫和，係極少數可以直接少量點塗喺皮膚上面嘅精油。

 

薰衣草嘅「全科小幫手」應用地圖

 

 

1. 情緒：當你覺得好大壓力

 

  • 即時放鬆： 覺得焦慮、心跳好快嗰陣，簡單打開樽蓋深呼吸 3 次。

  • 安睡儀式： 瞓覺前喺枕頭角落滴 1-2 滴，或者用香薰機擴香半個鐘。

  • mommy.A+b 舒壓滾珠： 用 10ml No.51 甜杏仁油加 4 滴薰衣草，平時搽吓手腕、太陽穴或者頸後

 

2. 皮膚：隨身嘅急救導師

 

  • 輕微燒燙傷： 記得先用冷水沖洗傷口，然後直接滴 1 滴純精油落去。佢可以減輕嗰種赤痛，亦可以預防起水泡。

 

  • 蚊叮蟲咬、割親： 直接點少少落去，止癢之餘仲可以消炎。

 

  • 暗瘡： 用棉花棒沾極少份量，點喺發炎嘅暗瘡上面，幫佢消炎褪紅。

 

  • mommy.A+b 萬用修復膏基底：將薰衣草精油加入天然蜂蠟同基底油中，製成便携修復膏。

 

3. 身體不適：溫和嘅緩解

 

  • 頭痛/偏頭痛：用1滴薰衣草，輕輕按摩吓太陽穴同頸後髮際線。

     

  • 肌肉酸痛：搭配薄荷(No.02)或檸檬草(No.03)，加埋薄荷 (No.02) 或者檸檬草 (No.03)，用基底油稀釋之後按摩。

 

  • 胃部不適： 用基底油稀釋，順時針按摩吓個肚。

     

4. 屋企用：乾淨又安靜嘅氣息

 

  • 天然衣物柔順劑：洗衫最後過水時，加入5-6滴薰衣草精油，件衫會有陣天然清香，仲可以驅蟲。

     

  • 枕頭與空間噴霧：用水、少許酒精及10滴薰衣草製作噴霧，噴吓床鋪或者梳化，淨化空氣同帶來安寧感。

     

 

三大必學「薰衣草」實用配方

 

配方一：一夜好眠枕頭噴霧

 

  • 材料：30ml蒸餾水、1茶匙雙子醇或伏特加（用作分散和防腐）、15滴 No.01 真正薰衣草精油。

     

  • 做法：全部加入噴霧瓶，搖勻。

     

  • 用法：睡前噴灑在枕頭上方空氣中及枕頭表面（避免弄濕）。讓香氣伴你入眠。

 

配方二：萬用紫草薰衣草修復膏（進階）

 

  • 材料：30ml浸泡咗紫草根嘅甜杏仁油（或者直接用我哋嘅No.51 甜杏仁油）、15克蜂蠟、20滴 No.01 真正薰衣草精油、10滴 No.09 澳洲尤加利精油（加強抗菌）。

     

  • 做法：用隔水加熱法融化蜂蠟與基底油，離火稍涼後加入精油，倒入小罐凝固。

     

  • 用法：用於蚊叮蟲咬、輕微擦傷、乾燥龜裂皮膚。

     

配方三：小朋友嘅舒緩按摩油（3歲以上）

 

  • 材料：30ml No.51 甜杏仁油、3滴 No.01 真正薰衣草精油。

     

  • 做法：混合均勻。

     

  • 用法：當孩子煩躁、難以入睡，有點壓力/ 與人爭吵等，取少量按摩背部或腳底。注意：此為低濃度配方，3歲以上幼兒用。

     

 

Q&A與解說

 

Q: 薰衣草不是助眠嗎？為什麼有時聞完反而精神？

 

A: 因為薰衣草有「雙向調節」作用。如果你當時好緊繃，佢會幫你鎮靜；如果你當時好疲累，佢會溫和咁提神。幫你搵返個平衡。

 

Q: 孕婦可以用嗎？

 

A: 一般認為，懷孕三個月後，低濃度（1%以下）使用真正薰衣草是相對安全的，常用於緩解妊娠焦慮、改善睡眠。但懷孕首三個月，為絕對安全起見，建議避免使用任何精油，或僅在專業人士指導下進行。

 

Q: 為什麼「mommy.A+b」選用有機的真正薰衣草？

 

A: 薰衣草容易吸收土壤中的物質。有機種植能確保精油不受農藥與重金屬污染，其有效成分的含量也通常更高，療效與安全性都更有保障。

 

「真正薰衣草」辨認小貼士：標籤上應有拉丁學名 Lavandula angustifolia。氣味應是柔和、甜美、有層次的花香，而非單一尖銳有點剌鼻味。

 

 

手頭上乜都冇就用佢先


真正薰衣草嘅美，係佢嗰種包容。佢入面其實含有成百幾兩百種天然化學成份，所以佢先可以咁全能，幫到我哋身體唔同嘅狀態。亦都因為成份夠豐富，佢同好多唔同嘅精油都好「夾」，可以將成個配方調和得更平衡，甚至擴大療癒效果。手頭上乜都冇就用佢先！

 

預告

 

認識了最溫柔的鎮靜天后，下一支我們要迎接一位「活力十足的醒神專家」—— No.02 有機薄荷精油，睇吓佢點樣用一股清涼，橫掃疲倦與不適！

 

 

下次見！

 

~mommy.A