髮皂你應該用邊款?梳頭有咁多好處?

今日就講煩惱絲:頭髮嘅健康 頭髮嘅煩惱不外乎:好乾,好旱,好多頭皮,白頭髮,甚至脫髮。 好多fans問我,揀髮皂嘅時候點揀好?我都會同佢地講頭髮嘅健康首先要「頭皮」健康!即係譬如種一啲植物喺農地上面,塊田同泥都要健康先種到嘢出嚟。 之前有報導講矽靈有問題。矽靈係咩嚟嘅呢? 矽靈其實喺洗頭水同護髮素裡面常見。點解佢會有個咁唔好嘅名聲,背負咁大嘅罪名呢?會令到大家脫髮,頭皮敏感,等等。 頭髮唔係直直一條,頭髮上面就有好多毛麟片,係一片片咁樣嘅。當頭髮污糟,毛麟片被冚住。我地洗頭嘅目的係為咗洗走啲污糟。一洗走佢嘅時候頭髮處於濕嘅狀態,頭髮上的毛鱗片係張開嘅。咁大家就可以想像到,毛麟片就會一片片咁打返開呼吸,同埋吸收營養之類。咁啲毛麟片打開咗,你摸下啲頭髮係會有少少打結,而唔係順滑,咁樣係正常。 以前嘅商家會覺得打哂結嘅體驗唔好,所以喺產品上加入矽靈。作用係毛麟片打開後,用矽靈填滿空隙。即係摸上手嘅時候,因為摸唔到毛麟,就會誤以為好順滑,滋潤。但問題係,頭髮長期使用矽靈冚住毛麟片,頭髮就呼吸唔到。另外佢都會留喺頭皮。問題係矽靈唔係水溶性,洗頭時唔會洗走矽靈。日積月累咁逗留係頭髮頭皮上面。研究顯示長期落去會導致各種各樣嘅頭髮問題。初初頭髮呼吸唔到或者吸收唔到營養,由髮尾開始枯乾,無光澤,無彈性。慢慢就連頭皮都會受影響,就會有脫髮嘅可能! 洗頭水同護髮素都係液體狀,少不免會有防腐劑。防腐劑又係麻麻地好嘅野。有啲頭產品除咗矽靈仲會加一啲礦物油,礦物油冚上頭髮會感覺再滑啲,不過含甲醛等致癌嘅物質。依家開始多人注重咗呢啲問題,市面上都多咗好多無矽靈嘅洗頭水,但係仍然都有防腐劑、礦物油又或者有甲醛嘅問題。 追求健康嘅朋友會轉用髮皂喇。髮皂就唔駛加防腐劑,我地亦唔會添加矽靈。但就係因為無矽靈,洗到好乾淨,有啲朋友會覺得唔慣。 究竟髮皂係咪咁難用呢?有朋友用其他髮皂嘅體驗係洗完之後覺得好笠,可能留有皂垢,以前有個客同我講,洗完幾次之後,個頭好似乞兒咁樣咁笠。 用髮皂嘅體驗唔好亦都係點解我哋之前無髮皂嘅原因。因為我哋自己用髮皂都有一啲咁樣嘅問題,洗完唔舒服。咁好難令人長期使用。以前嘅髮皂可能要一個月或者三星期等佢可以過渡適應。不過都唔係人人過渡到,尤其係長頭髮嘅人比較困難。但係當適應咗之後,其實你就會感覺到佢嘅清爽。 我地嘅髮皂經過改良,冇乜適應期,亦冇乜皂垢。 我地有三種髮皂:烏髮,亮髮,護髮。好多朋友問我點樣選擇。我一陣會介紹返。 [而家七種髮皂] 我地嘅髮皂好容易過渡。好多客人嘅用後感,(大家睇我地嘅 Post都知道)可能用咗兩三次就完全覺得無問題。會打哂結,有太乾淨嘅感覺已經唔存在。有啲朋友用第一次就會覺得好爽。如果你想轉用髮皂嘅話,可以考慮用下我地嘅髮皂。 烏髮就係黑蚊蚊呢舊。佢有啲藥材味道,但係我覺得幾香嘅。 “烏髮”就係何首烏萃取,迷迭香精油,杜松子精油等。 烏髮即係想少啲白頭髮。大家都知道何首烏好好。想頭髮健康可以用何首烏。何首烏入好多經絡,如肝腎,肺經。所以用何首烏入饌係幾好。係中醫嘅角度,其實肝腎係影響頭髮嘅,所以我地要補返肝腎,早啲瞓覺係基本。烏髮皂最主要就係幫助白頭髮方面。希望少啲白頭髮。如果有染髮習慣嘅就會感覺強烈啲,因為耐啲時間先需要再染頭髮,生出黎嘅頭髮係有機會變返做黑色。不過肯定唔係短時間嘅事,我地都唔會當佢係仙丹,用咗一舊就變返做黑色。同埋最緊要就係,你無再用唔好嘅洗頭水同護髮素,你嘅頭髮同頭皮會更加好。 亮髮:蜂蜜-有助毛囊健康,有埋抗氧化(其實毛囊都需要抗氧化,因為佢始終都係皮膚嚟㗎嘛)。蜂蜜係天然嘅保濕劑,所以有助頭髮吸收同埋保持水份,令到頭髮有返光澤同埋彈性。如果頭髮乾旱,或者彈性好差就可以試用亮髮。 護髮:護髮主要成份係老薑。佢可以平衝返頭皮嘅循環,促進頭髮生長。佢叫護髮係想「保護」啲頭髮,唔好脫髮同埋防止脫髮。呢個頭皮多嘅人都岩用。 [其餘四款可參照文末列表] 有啲朋友就會話,我唔單止得一個問題喎。我又好旱又想要少啲白頭髮。咁應該點選擇呢? 我就會一次洗頭用一款咁樣,兩隻髮皂輪住用。 [如多過一個煩惱,選擇先處理哪兩個,然後兩款皂輪流用,即今次洗頭用A皂,下次用B皂。] 呢個唔係仙丹,要用一段時間,比少少心機,先達到期待嘅效果。 究竟髮皂係點樣用嘅呢?每一個盒入面都有一個泡泡袋,係一個好柔軟嘅泡泡袋。我地只需要將髮皂放入泡泡袋,平時只需要掛起佢就得喇。用嘅時侯,將頭髮同雙手整濕,用雙手搓個泡泡袋,搓出好多泡泡,將啲泡泡搽上頭髮洗頭。最後將髮皂連泡泡袋沖一沖水,然後掛起,瀝乾。 根據頭髮長短,一嚿髮皂用到次數約80至120次,假如你係長頭髮,一次用多啲,日日洗頭的話,用約80次,大概用到2個幾月左右。 另外,最多朋友問我嘅問題就係:用完髮皂仲駛唔駛用護髮素呢? 我從來都唔建議人用護髮素,因為護髮素多數有矽靈,封住你嘅頭髮,令你覺得好柔順。我地提及頭皮同頭髮係咁緊要嘅話呢,我就唔建議用護髮素。依家坊間有無矽靈嘅護髮素,大家都可以因應自己嘅習慣而使用。我地會用護髮油,就係「髮潤」。 「髮潤」有好多材料,包括摩洛哥堅果油,山茶花籽油,迷迭香精油,天竺葵精油等。通常護髮素係唔會搽上頭皮,因為唔想你封住頭皮,但係我地嘅「髮潤」可以搽頭皮,佢唔係用礦物油,以及無矽靈。髮潤可以比頭皮吸收,佢唔會封住頭髮表面的! 「髮潤」嘅用法如下: 如果你當髮尾油用:平時朝頭早起身出門口前,就唧一泵,搽係髮尾。因為我都唔會用其他頭髮造型用品,我就會用髮尾油搽一搽啲毛燥嘅頭髮表面,就可以做到頭髮貼服。 如果你當護髪素用:洗完頭髮之後,待頭髮七成乾左右,唧一泵。(我建議大家由一泵開始,大家唔好睇佢細細泵,因為佢都比較潤),之後搓勻再搽上髮尾(因為營養比較難吸收),再泵多次,搽上指尖然後捽落頭皮。佢嘅用法有別於護髪素,護髪素係唔可以直接搽上頭皮。但係「髮潤」係可以掂到頭皮,因為頭先提及嘅成份對頭皮健康係好好嘅,如果你真係有好多頭皮,開始甩頭髮,你最好就搽上頭皮喇。 我地新出咗「套裝」,大家揀返適合自己嘅髮皂,然後加購「髮潤」。 咁係咪搞掂哂頭髮嘅問題呢? 當然唔係啦。轉用髮皂係其中一個好嘅一步,因為我地將一啲有問題嘅材料唔再擺係頭髮上面,例如:矽靈,防腐劑,甲醛,礦物油。用髮皂嘅另一好處係佢好環保,用完連膠樽都無,地球又少咗一個膠。 另外,我都想講下梳頭。 點解梳頭都要教呢?中醫好推崇呢個保健嘅方法,因為中醫覺得髮為血之餘,腎之華。頭上有五十個穴位咁多以及三條重要嘅經絡。中間係任督二脈嘅督脈,而佢左右兩邊就係好重要嘅膀胱經,假如係好易傷風感冒嘅人,就應該要按摩一下。而成日頭暈嘅人就應該要按摩一下中間嘅督脈。另外係耳仔嘅上面,仲有一條經絡就係三焦經。呢幾條咁緊要嘅經絡,得閒按摩一下佢係好嘅。 要點樣按摩佢?點樣梳頭先梳得岩呢? 好多朋友洗完頭,索完水之後就梳頭,其實最好等待個頭有6-7成乾先好梳頭。因為頭髮未乾就梳頭會好傷頭髮嘅。因為毛麟片打開晒,同埋啲頭髮濕住會打結,變相梳頭就似夾硬扯佢,會傷到頭皮。有位客人都擔心自己甩頭髮,我就同佢講咁樣梳頭係唔好。所以頭髮未乾就唔好梳頭住,頭髮一定要有6-7成乾先好梳頭,又或者揚乾佢。客人會覺得頭髮會好蓬鬆,好核突咁樣。通常洗完頭都會係屋企,唔係好趕住出去嘅話,就唔好咁樣梳頭。 另外就係梳頭好緊要,要點樣梳頭呢?其實梳頭係要梳埋頭皮嘅,因為頭皮上有五十個穴位,咁多個經絡行過。我地要梳埋頭皮,順便按摩埋佢。朝早如果可以早多五分鐘起身去梳頭係一個好好嘅保健行為。由頭中間(眉心中間對上)貼住頭皮梳,但係唔駛太大力。但係你要感覺到頭皮有些少壓力。一直梳到頸對上位置,梳大約五六下,之後再由髮尾向返頭頂梳五六下。到左邊(耳仔位置)頭皮向右梳,右邊(耳仔位置)頭皮向左梳(即係逆方向梳),同樣地都係五至六下。如是者,咁樣就計一回。朝早可以嘅話,就梳一百回。大家可以試下呢個方法,一日最好就梳三次。但係我知道好難一日中間梳到一百回嘅,所以,我建議大家朝早係梳二百回。之後夜晚臨訓前就梳一次一百回,咁就非常好喇。你就會感覺到不論頭髮定係頭皮都會輕咗好多。如果你有頭痛,頭暈,傷風感冒呢啲問題,咁樣梳頭除咗令血液循環之外,血脈,頭皮神經得到舒緩,放鬆咗之外,等如休息咗個頭,中醫角度,頭部主思維,記憶力,都會有進步。假如你有頭痛,中醫角度係不通則痛,梳下佢按摩下佢去打通返塞咗嘅地方,頭痛就可能會減輕。 蘇東坡曾經都有脫髮,有個老中醫教佢「梳髮百餘下,散髮臥,熟寢至天明」。梳頭令頭髮同頭皮有消除疲勞嘅效果,可以令人好訓啲,可以防止脫髮。大家可以試下呢一個梳頭嘅方法! 點樣揀梳呢?如果由中醫角度黎講,以前貴族就會用好貴嘅動物骨造嘅梳,依家就會好難去搵到。依家刮痧會用牛角,如果搵到牛角梳都可以。梳唔可以太密齒,要疏少少,依家唔係要梳靚個頭出街,係要梳頭皮,所以唔駛太密齒 J   七款髮皂: 亮髪:乾性、毛燥、易斷、稀薄想豐盈啲 護髮:脫髮(但頭油唔多)、頭風 烏髪:白髮、滋潤 淨髮:油性、易出油、有頭皮、有味 甦髮:常染髪電髮負離等導致受損髪質、易斷 健髮:易出油、有味、脫髮 (因頭油多導致) 香髮:為頭髮帶嚟香茅迷迭香的清香      
2021-07-08

毛孔粗大是天生嗎?

邊度毛孔易粗大? 身上面嘅粒粒要用清手製皂喔! 點解毛孔會越變越粗大? 點洗面先啱? 磨砂面膜點少得 皮膚鬆弛毛孔點會細,精華份子細易吸收! 揼骨泡腳都有幫助? 突然之間有日發現平時見唔到嘅毛孔撐大咗真係會覺得好沮喪! 首先毛孔粗大係咪天生嘅呢?有啲人話佢係天生嘅,有啲人就話唔係,不過後天好努力必然可以改善嘅。 我自己嘅睇法係:毛孔嘅大小唔多唔少都係天生嘅,正如頭髮係粗定幼都係有著基因嘅影響。不過如果日常護理做得唔夠好,你本身可能粗少少嘅毛孔就會比毛孔無咁粗嘅人係更加明顯地撐大咗,呢個係我嘅睇法。 所以無論如何護理都係唔少得,可能你本身自己覺得毛孔明顯嘅呢,就更加唔好懶。   毛孔大咗容唔容易變返細嘅呢?咁要睇下個原理喇。如果要做張開或者合埋呢個動作你係要有肌肉先做到嘅,但係面上係無乜肌肉,咁即係我唔可以將毛孔張開或者收埋佢。但係面上有啲組織係度。組織係可以增加佢嘅彈性同埋佢嘅支撐力,咁毛孔就唔會大咗而收唔返,所以係做到嘢嘅。唔好太遲先做係OK嘅。   有咩原因令佢粗大咗呢?我睇過啲資料,毛孔粗大咗嘅形狀係可以分類嘅,但係我覺得個分類唔係咁重要。只要知道自己係乜野原因令佢粗大,對症下藥咁就OK。無論係O形, Y形, U形都好,處理到就好喇。 第一個原因:有啲人嘅油脂分泌係多啲。呢個都可以引證到毛孔係唔係天生大嘅。油脂分泌多啲其實都同我地嘅皮脂有關。而皮脂係同荷爾蒙有關嘅。如果荷爾蒙有失調或者唔平衡嘅話,其實係會分泌多咗油脂嘅。不論分泌多咗定係少咗都係唔好,因為皮脂我地係需要嘅。皮脂嘅用途係隔水,令到外來嘅水無咁易落入皮膚。同埋皮脂係用嚟鎖住水份嘅。皮脂太少嘅話,皮膚就會乾,太多嘅話就係太油喇。So油性皮膚嘅朋友會容易毛孔變大,因為皮脂分泌多。皮脂就喺毛孔分泌出黎,分泌咗出黎之後,就會同你面上嘅角質蛋白,一啲污糟嘢等等撈埋一齊,如果清潔得唔好就會積聚咗係毛囊,咁就慢慢漲大個毛孔喇。皮脂分泌同荷爾蒙有關,荷爾蒙嘅野太複雜就暫時唔講住。15至30歲呢個年齡層嘅荷爾蒙會分泌得多啲嘅。即係青少年期,皮脂分泌多咗,so就會容易有暗瘡。 如果你覺得自己皮脂分泌過多,或油性皮膚嘅人,就必須要做好清潔。深層清潔係唔少得,然後祛角質都係好重要嘅,每星期用磨砂產品 (Exfoliating mask)。先當作磨砂因為要去角質層,然後就當mask去敷。磨砂嘅手法就係打圈方式,切記唔好咁大力,應該係輕力去打圈就可以喇。因為角質層只係表面,好容易就會磨走嘅。按摩大約1-2分鐘左右,敷15分鐘。如果只係想磨砂都可以嘅。我哋磨砂mask比較溫和,就算天氣乾燥都可以用嘅,只係次數問題。如果係皮脂分泌真係多嘅話(例如冬天都出好多油嘅話呢?一個星期兩次)如果唔係油性皮膚就可以一星期一次。 祛完角質層(唔需要日日去,只需要一星期1次),之後就要洗面。油脂分泌過多嘅朋友,或者毛孔撐大咗嘅朋友,一陣會講解洗面嘅技巧。 [可以一星期一次用 綠豆深層清潔面膜 (清潔及收斂毛孔/水油平衡/排毒/細緻肌膚] 洗完面之後要點樣拍爽膚水呢?點解爽膚水係要拍嘅呢?尤其係有啲爽膚水係有收臉成份嘅,有助收細毛孔。一陣就會講解點樣可以收細毛孔。 咁持續做呢幾個步驟一段時間,毛孔會收細返好多。油脂分泌過多嘅朋友亦都要小心飲食,因為食得多油膩煎炸嘢都會影響皮脂製造,皮脂製造多咗就會產生多咗面油。 如果你唔係油脂分泌過多嘅人呢?例如我咁乾嘅人(內外都乾),點解毛孔都會撐大咗呢? 咁有兩個原因。 第一:洗面洗得唔乾淨,落妝落得唔乾淨,都會好容易撐大毛孔。就算唔係油脂分泌好多,撈埋面嘅蛋白角質同污糟嘢,都會塞毛孔,其實化妝或者日常生活唔注重洗面嘅話都會慢慢地撐大個毛孔。呢啲污垢都唔應該殘留喺塊面度,所以洗面係唔馬虎得。 最常見嘅係落妝落得唔好。有啲朋友會問:落完妝仲使唔使洗面?!係一定要洗面嘅。落妝還落妝,洗面還洗面。並唔係落咗妝就完成個清潔嘅程序㗎。 落妝產品最好嘅質地係咩呢?係落妝油。原因係大部份嘅化妝品都係油底。粉底,眼影,胭脂,眼線,眉筆,睫毛液大部份都係油底,用油去溶油做底嘅化妝品係最有效! 我地萬眾期待卸妝油Golden Cleaning Oil終於面世喇。由浸咗半年嘅金盞花加埋有機橄欖油(顏色好金黃)。呢個落妝油除咗做到一般落妝嘅功效之外,佢都可以鎮靜皮膚,皮膚容易發炎,有炎症,粉刺,黑頭,都會清得好好嘅。因為佢係金盞花底,金盞花本身就有呢啲功效嘅。另外加咗乳香及少少檸檬。所以用Golden Cleaning Oil搽上面係有好舒服嘅香味。同埋乳香都係有助皮膚嘅細胞修復。 用卸妝油:要乾手乾面時用,搽上面加以按摩。有眼妝的話,比較難落啲就先用卸妝油倒落棉花,然後蓋上眼部待1分鐘,之後先係慢慢按摩。因為我地要用油去溶油,所以按摩時間唔可以太短。 以前有個客人話佢用卸妝油,之後發覺黑頭愈來愈多。之後問佢點用?原來佢誤會咗,搽咗卸妝油即刻加水乳化先洗淨,其實唔係咁樣嘅。用卸妝油要比啲時間令到油溶走面上嘅彩妝,要配合按摩時間,如果可以嘅話就半分鐘至1分鐘,或者按到落晒為止。比啲時間佢溶妝,之後先加少少水去洗。其實乳化嘅原因係想容易清走面上嘅油。所以我地乳化咗佢之後再用水清洗,就容易洗走晒面上嘅油脂。如果唔係嘅話,就有機會留返係塊面度。所以乳化程序係洗走油脂。 我地嘅產品Golden Cleaning Oil有一陣淡淡清香。除咗化咗妝先需要落妝之外,仲有乜野嘅情況需要落妝呢?就係搽完防曬喇。除咗平時去沙灘,郊外會搽防曬之外呢,其實市面上嘅護膚品都有防曬成份。就好似我地嘅產品V7(同埋而家有嘅Suntribe Day Cream),V7係打底霜,用咗V7之後搽粉底就會比較貼面一點。V7本身都有防曬,就算只係搽防曬都要落妝。所以緊記,搽咗防曬或者含有防曬成份嘅護膚品都要落妝。落完妝係要洗面嘅。大家要記住。 毛孔唔係好大或者唔係油性皮膚油脂分泌好多但係都會撐大毛孔,另外一個無可避免嘅原因,每個人都會經歷嘅就係:肌膚老化喇!無論你係油性皮膚,乾性皮膚定係中性皮膚都好,都會肌膚老化。 頭先都提及過,毛孔唔會自己放大或者收縮,因為佢無肌肉。但係周圍嘅組織可以支撐住佢,如果將面上嘅污糟野整走,例如黑頭,粉刺,暗瘡,只要污糟野唔再積聚,係可以令個毛孔細返啲嘅。 我試過唔夠訓或者懶嘅話,鼻翼兩旁係好明顯見到毛孔係大啲嘅。即刻提返自己要做返頭先所提及嘅程序。令毛孔可以收返細啲。 肌膚老化,皮膚組織嘅彈性無咁好,會鬆弛同支撐唔到毛孔同埋新陳代謝慢咗,角質層未必可以自己脫落晒(之前已經提及過)所以係要磨砂嘅。唔好覺得磨砂係會傷害皮膚。有啲朋友會覺得磨砂會磨到好"嚡"咁,其實唔係嘅,我哋嘅磨砂粒子係好溫柔,好舒服嘅。 如果推上嚟嘅死皮(即係所謂死咗嘅細胞,老化咗嘅細胞)唔能夠及時拎走而有所殘留,唔能夠及時拎走係因為我地嘅新陳代謝係開始變慢。咁我地可以點做呢? 老係一個過程黎嘅。我地做嘅只係盡量將佢拖慢,令到皮膚唔好老得咁快。上次都提及過保濕同抗氧化都好緊要。我地要做返晒所有清潔,抗氧化,阻止自由肌傷害我地嘅細胞,緊緻返個彈性。否則皮膚會鬆弛。 我地有兩隻Serum,油性皮膚可以揀 Native Serum。如果你係中性皮膚或者係乾性皮膚,或者秋冬天氣可以用 Oil Serum。 記得用Serum,佢嘅份子皮膚更容易吸收,可以緊緻返,有效抗衰老。鎖水保濕,皮膚彈性好返啲,毛孔就唔會有咁粗大。 最後一樣就係生活習慣都可以令毛孔粗大,如果你有食煙,過份飲酒,又或者護膚產品有高刺激性嘅材料,或者好夜訓,鐘意食油炸野,脂肪高嘅食物。呢啲都一定會令皮膚差,令毛孔大。因為會影響荷爾蒙有關。 Oil Serum 係可以早晚使用。佢含有超過190種營養成份,入面有沙棘油,好高嘅抗氧化,係人參嘅4倍。同埋有好難搵到嘅Omega 7,咁呢啲都係對皮膚好嘅。奇亞籽油係有世界上 Omega 3最高嘅植物。 毛孔係皮膚代謝嘅出口,毛孔有兩款嘅,一款有毛生出嚟嘅 皮脂喺呢度出嚟嘅,另一款係排汗,唔同嘅窿走出嚟嘅。鼻同埋前胸、背脊,皮脂嘅分佈特別多。所以呢啲區域點解容易出粒粒,黑頭粉刺。即使皮膚好乾,但係T-Zone好油嘅。因為皮脂分佈多啲,所以有啲人胸口同背脊出粒粒,尤其天氣變化嘅時候。溫度同濕度都會影響皮脂製造,因為身體會升溫,會帶動皮脂分泌嘅。所以夏天會出油多啲,所以唔同季節都要了解自己嘅皮膚狀況。大家應該要識得聽身體講啲咩比你聽,然後比返適當嘅營養同照顧佢。 洗面要洗得乾淨,我絕對認為係要用番梘。市面嘅番梘可能拎走咗甘油,即係超級市場買到嘅幾蚊一塊番梘!拎走咗嘅原因係因為擺甘油落護膚品,係比較貴嘅材料。我哋嘅手工皂唔會抽走甘油嘅成份。消費者委員會出過一份報告,係咁多個試驗入面,甘油嘅補濕成份係最高同埋補濕嘅程度係最好。點解有啲人話用手工皂洗面會好乾? 可能因為用手工皂洗面洗得好乾淨,亦唔會有任何野殘留喺皮膚,亦冇添加化學物令你覺得滑。塊面會覺得有啲太過乾淨嘅感覺,唔緊要嘅,用一排之後,本身嘅天然油脂分泌平衡返 就唔會有呢個感覺㗎喇。 洗完面之後就要做返平時做嘅護膚步驟,唔係用完手工皂就唔駛護膚㗎。 平.洗面皂 (Balancing Facial Soap) 個配方主為洗面而做。用咗自家種嘅左手香為主要材料,左手香能夠平衡油脂,亦都有人話有美白作用。洗面皂對溶油係好好效果,用手工皂嘅潔力係強而無侵略性嘅,即係乾淨而唔會刺激皮膚。 [另一選擇係 養.玫瑰 手握洗面皂 Nourish Hand Milled Rose Facial Soap 都係清痘痘油脂粒 。] 用法:將洗面皂放入泡泡袋,然後加水起泡,好似平時用其他產品一樣咁捽,捽起泡之後用嚟洗面,沖乾淨就可以。 我想介紹一下我嘅程序,我習慣沖涼時洗面,點解我要咁樣做呢?係因為我想毛孔稍稍打開。首先就整熱塊毛巾,然後輕輕敷面,敷一陣就可以了(約20秒左右)毛孔就會微微張開。之後就開始洗面,洗完面之後,就會用凍凍地嘅水拍塊面一次(即使係冬天,我都會咁做),又或者噴爽膚水,咁就可以收細毛孔。 頭先提及心口,背脊同手臂位會容易生粒粒,我地都有一款手工皂沖涼用,佢叫做【清】 (而家多咗幾款),佢有兩個意思,第一就係幫皮膚清熱氣,第二係幫皮膚清粒粒。所以好多客人都會洗埋面,油性皮膚可以洗埋面,佢係可以洗埋油脂粒粒,如果轉天氣嘅話,你嘅皮膚出粒粒就可以試一試佢。大家可以用個起泡袋裝起捽至起泡,又或者可以直接用起泡袋連番梘直接搽上身。咁當然用於面嘅皂,我唔建議用起泡袋連梘直接搽上面洗面嘅。 [而家還有苦瓜。啪啪皂、淨.喜瑪拉雅山岩鹽手握皂 俾大家選擇。] 最後就想講下調理嘅方法,我比較鐘意用天然嘅方法去幫助自己身體。上次都講過,肺主皮毛,肺對皮膚係好緊要嘅。另外,講起美容或者護膚,一定要講脾胃。脾嘅係主運化,將津液同氧份帶到身體唔同嘅地方,脾胃係幫助消化同埋吸收嘅。所以脾胃好同埋運化做得好,氧份就去到面度。 先講個肺先,我好建議敲打經絡嘅保健方法。之前係我嘅Mommy.A and U嘅group,都有聽過我點樣敲打膽經去令身體強壯啲。我地依家可以敲打肺經同脾經。要點敲呢? 首先要知道邊度係肺經同脾經呢?留意返肺經同脾經嘅相 (建議大家睇返video後半部份) 。 由胸口到手,由胸口敲打到手,由上至下。打到皮膚有暖嘅感覺就啱。打一個圈就可以打到肺經同脾經。打五至十分鐘左右,之後就轉手。 肺同脾好就對美容好,仲有一個地方需要同大家講。如果脾嘅運化做得唔好,氣血嘅津液去唔到塊面,就不能夠營養顏面,即係面部無營養,皮膚就自然蒼老,會鬆弛。如果希望脾做得好好,就要留意一個穴位:命門穴,正正喺肚臍嘅後面,脊骨有個凹位。命門穴係集陽氣嘅地方,佢最需要就係保暖,唔可以凍。所以我地可以熱敷或者按摩下整暖佢。 再講下香薰治療,有咩精油可以幫助個脾呢?脾喺胃隔離,可以用精油按下胃嘅隔離,或者按下命門穴。用咩精油好呢?茴香,永久花,西柚或者橙,如果用西柚或者橙就要留意光敏,唔可以曬太陽,夜晚用或者搽後十二個鐘之後用就無問題。最後脾胃係唔鐘意濕嘅,但係香港好潮濕,有啲人嘅運化做得唔好,就會困住濕氣係身,我好強烈建議浸腳。去濕可以幫個循環做得好啲,咁運化做返好,就可以養好皮膚喇。如果想去濕好啲,可以用薑精油或者絲柏精油浸腳。  
2021-07-06

點解我哋嘅護膚品一定要用澳洲原生嘅植物材料?

有啲客人問我係咪一定要用澳洲原生嘅材料呢? 其實我都想解釋一下,都唔想佢經常缺貨。但係每一個產品嘅製作,其實都試咗好耐,無論個配方入邊嘅成份,成份嘅份量。每一個材料嘅來源都好影響嗰個產品嘅效果。改配方嘅材料,其實係要重新再試過哂。當然有部份嘅材料係比較common,你可能有多個supplier可以比到你,但係我哋選擇用澳洲原生嘅植物材料,就唔係咁多地方會搵到,而且有部份我哋嘅材料仍然係野生採摘,需要原住民係入樹林採摘。   澳洲原生嘅植物又有幾咁特別?點解我哋最後選擇用澳洲原生嘅植物呢? 因為整個系列我哋都想個「抗氧化功能」非常好。而家世界嘅空氣污染好大,我哋又唔係有好健康嘅生活習慣,自由基對我哋嘅影響其實比以前嘅年代早咗對我哋皮膚有影響 ,變咗好多人好後生皮膚就變差,暗啞,油脂分泌唔好之類嘅問題出哂嚟,所以我覺得成個系列嘅抗氧化係最緊要。 咁當然啦~初熟皮膚去到已熟皮膚嘅,更加係必需要抗衰老,抗皺紋,所以呢啲成份係好重要。 你知道澳洲嘅太陽係好猛好猛,臭氧層穿咗個窿係喺澳洲上面。澳洲可以係好乾好乾但又好曬好曬嘅。嗰度嘅植物,其實要應對咁嚴峻嘅天氣,咁猛烈的太陽,佢哋自身就發展咗一套系統去保護自己免受呢啲自由基/氧化物嘅傷害。呢啲成份正正可以放喺我哋嘅護膚品入面,好啱我哋希望做到嘅效果。所以就決定選用澳洲呢啲獨有嘅植物成份。   天然會唔會冇效果? 有好多人好想轉用天然嘅產品,但又好怕天然但冇效果,或者效果會唔會好慢。所以我哋選擇材料嘅時候,除咗頭先講必需要抗氧化嘅功能做得好好之外,配方嘅預期效果唔會要好耐好耐先見到嘅。而我哋揀嘅成份就係大大提升咗個效果,你唔駛要等好多個月先會見到。我哋選啱咗材料,其實天然嘅產品都可以好快比你見到效果。   介紹一下我哋嘅護膚品入邊其實有咩係澳洲原生嘅成份   眼霜 其實一小泵呢個份量,點喺手指尾。之後就用印,印在眉骨,眼尾同眼袋下面,最後喺眼尾稍為打下圈。大家唔好來回來回咁樣搽,我哋係要用印嘅方式用,因為來回咁搽,好容易會令到眼腫。 呢個眼霜成份好豐富,有沙棘油。之前介紹過我哋支oil serum美肌油,入邊嘅主要成份係沙棘油。沙棘油有190種嘅營養素,仲有佢係非常高抗氧化,係人蔘嘅抗氧化值嘅四倍,同埋佢有Omega 7。另外,眼霜入邊有重嘅青瓜味,佢有青瓜籽油,有好高嘅維他命E,亦都係好好嘅抗氧化成份同埋可以去腫,如果好容易眼腫嘅朋友就好適合呢個眼霜。另外,佢有紅酒萃取物,又係好抗氧嘅。如果配方適合,我都會放落去。盡量令大家少啲出細紋,緊緻返眼部肌膚。同埋呢啲成份會幫助增生骨膠原,細紋就少啲會出現喇。 眼霜有兩個澳洲原生植物嘅成份,一個係阿斯彭檸檬。佢有咩咁特別呢?經過研究分析佢嘅成份,其中成份Terpenoids,係一個萜類嘅物質。呢個物質有強力嘅抗皺紋功效,同埋佢會減少色斑。另外,佢有Flavonoid glycosides,呢個成份會刺激骨膠原增生,咁骨膠原豐滿同豐富,皮膚就彈性好啲同埋細紋少啲喇。 另外一個澳洲原生嘅植物成份就係檸檬香桃木。佢會強化皮膚,改善返質地同彈性。所以呢啲成份加加埋埋可以加強毛細血管壁,預防黑眼圈或者減淡黑眼圈。 眼霜係適合所有嘅皮膚質地,就算係敏感肌膚嘅朋友都用得。 眼霜係好難做。因為唔可以over,營養多得滯,有人會好容易出粒粒。但太少,你又覺得搽咗等於無。   爽膚水 係好受歡迎嘅爽膚水,我見有朋友立刻就買三支。爽膚水入面當然一定有我哋揀咗嘅一啲澳洲原生嘅植物。其中一個就係卡卡杜梅,佢係世界上維他命C最高嘅植物嚟。 維他命C係做乜嘢呢?有啲人話美白,佢亦都係好高抗氧化,保護返我哋皮膚免受自由基的傷害,同埋防止色素沉澱。卡卡杜梅邊入面有一個物質叫做鞣花酸,佢可以增加返皮膚彈性,另外佢有Garlic acid,呢樣嘢係幫你抗炎。所以我哋爽膚水會減少生暗瘡,另外你真係有暗瘡嘅話,你可以噴落化妝棉度敷喺暗瘡位幾分鐘,暗瘡會快啲謝,同埋無疤。當然你唔好成日多手唧佢,等佢自己謝係最好。 佢仲有一個成份好特別叫做Quandong,好似個桃咁樣嘅植物,當地土著仍然會用呢個植物做乾果,做一啲食物。佢可以細緻返肌膚,平衡油脂,均衡返面色同埋改善暗啞。 入面仲有一啲嘅生果成份,所有嘢夾夾埋埋就類似AHA去幫你軟化角質層同袪角質咁。老角質有機會令我哋毛孔變大或者容易生暗瘡。我之前有live都講過,如果我哋想毛孔細收返好,噴爽膚水呢個步驟係不可少嘅。 我等一陣可以講講個程序。即係由洗面去到尾,我每一日係點樣比大家可以參考下。 佢入面仲有檸檬草,青檸同埋佛手柑,所以好香。呢啲成份唔單止有香味,佢哋都有健康皮膚嘅作用。用我哋嘅爽膚水,最緊要唔好拍塊面。用我哋嘅產品,唔好用力拍塊面,唔好大力撳塊面,除咗拍打穴位按摩,刮痧嘅時間,平時保養你係唔需要咁大力拍塊面,我就建議大家用爽膚水,噴完爽膚水後輕按壓就得。唔夠就可以噴多一次,輕按壓多一次。咁樣就夠,唔駛拍佢。   潔面乳 潔面乳入面有野生沙漠青檸,都係澳洲先有嘅。野生即是話我哋係倚賴原住民去採摘。野生沙漠青檸會幫手吸收其他成份,同埋佢會提升返皮膚水份。佢有抗菌,抗炎同埋軟化角質。等個皮膚白淨啲,光澤啲。配方仲加咗青瓜萃取同埋青瓜籽油。 我哋亦加咗唔同精油係入面,有OREGANO,THYME,所以消炎;ROSEMARY,LAVENDER,ORANGE,CEDARWOOD,YLANG YLANG,LIME,仲有橙花(橙花其實好貴)。洗面嘅同時幫大家抗菌。大家容易有暗瘡、粒粒、粉刺嗰啲嘅朋友就好啱用喇,亦都清潔得好乾淨。 必需要講一講個cleanser係點用。因為都幾多人問我。我哋嘅cleanser唔係濕面同濕手用嘅。佢個質地類似lotion,我覺得最好嘅方法係乾手乾面用,就咁捽落塊面度先,跟住攞少少水再捽,嗰陣時佢就會起泡。我哋無添加啲乜嘢起泡劑,所以佢唔係好多泡泡嗰種,不過洗得好乾淨,放心!乾面時加少少水落去,唔係因為要乳化,只不過係如果濕手濕面落潔面乳,可能水份過多佢起泡就無咁容易。然後就好似平時洗面咁就OK㗎啦。要溫柔,我哋對塊面係溫柔,溫柔咁洗,跟住用溫水沖乾淨就最好喇。   面霜 點解咁抵用?因為佢除咗有澳洲原生成份如:沙漠青檸,入面仲有手指香檸,你淨係喺澳洲先會搵到呢個材料,佢有一百七十幾種植物精華,六十幾種酮類物質!大部份係天然抗氧化物。仲有綠茶萃取,可以改善膚色,等皮膚可以光澤好多,同埋佢入面有好高嘅透明質酸,好補濕。透明質酸有兩種:一種就係動物,通常係雞冠度萃取出嚟。但係我哋就係用植物嘅,喺粟米度提煉出嚟。所有我哋嘅護膚品都係冇動物成份,vegan嘅朋友都用得。佢入面亦都有血橙,伊蘭伊蘭,玫瑰,咁你話係咪好抵買?!超強保濕,尤其係乾燥暗啞嘅皮膚就好適合用,可以減少細紋,提升返皮膚嘅顏色,佢嘅質地係cream咁再soft少少。   仲有serum,上次我介紹過我哋有兩款serum。 一款係oil serum,佢入邊有奇亞籽,沙棘等等嘅superfood。另外就有呢款serum,我哋叫佢Native serum。兩款serum嘅功效好相似,抗氧化,提亮皮膚,補水,幫你鎖返住水份,減淡細紋,色素,彈性都做到。 而Native serum,我覺得真係好鬼抵買。頭先我講嘅好多澳洲原生植物成份,佢都有!佢係最多㗎。譬如有卡卡杜梅,維他命C最高嘅植物,佢有檸檬香桃木,野生沙漠青檸。Serum係精華素,佢本身嗰成份細最容易吸收。 質地有啲gel嘅感覺,係水狀啲,薄身少少同oil serum唔同 (Oil serum係油嘅質地)。佢質地好易推開同好容易吸收,唔會痴笠笠。吸收晒之後就可以搽返面霜喇。 有人問我,究竟我應該揀native serum定係oil serum? 頭先我講過兩支serum嘅功效(我覺得係好似)。不過佢哋嘅質地唔同,所以我哋用質地同你皮膚去配對,去揀究竟用邊種serum先啱。 Oil serum適合秋冬好乾燥嘅時候用,或者你塊面比較乾同埋好容易甩皮嘅朋友,我就建議你用oil serum。Oil serum嘅質地就好似油咁樣,依家我每日每晚都係用緊佢,因為我係乾性嘅皮膚。 如果天氣凍你都有少少出油,尤其是T字位,或者係你本身油性皮膚你就揀native serum,爽身好多,但效果都係一樣。唔會好似oil serum咁潤,但佢個補濕都係好好。   有啲朋友又問面霜又點選擇呢? 我哋其實唔係好多款面霜嘅。頭先講嘅澳洲植物系列面霜,同埋V7妝前霜。所以其實都唔駛點揀,妝前霜其實有兩個functions,第一個係令你個妝貼啲,第二個就係防曬,入面有Titanium Dioxide。佢會幫你皮膚打咗底之後再化妝就可以貼啲,順便提亮皮膚同埋有防曬。如果我化妝,又或者出街嘅話,日頭我就會用呢個。因為有防曬功能。但係用呢個就必需要落妝。 而澳洲植物系列面霜嘅話,早晚都用得。唔使落妝。睇你有無需要用V7,如果唔係面霜就得一款。唔需要咁煩惱喇,所有嘅皮膚,even敏感肌膚都用得。 呢個就係有黃金係入面啦。呢個黃金嘅成份係幫助你吸收其他嘅成份,咁入面係高保濕成份,好多透明質酸係入面,呢個就係可以當埋sleeping mask,呢一個瞓覺都用得。   不如講講我嘅routine係點樣,比大家參考下。 我朝頭早起身就洗面啦。唔使傷腦筋啦,就係得一支cleanser (也以用洗面皂嘅)。洗完面之後,我就會噴toning mist,撳下塊面好舒服,朝頭早做呢個動作我覺得其實都幾療癒。 跟住,我就會搽眼霜,如果你有噴toning mist嘅話,你就要等佢乾咗先,如果唔係嘅話,推眼霜或者面霜會難小小。以印嘅方式去搽眼霜,跟住我就會搽serum喇。冬天天氣,我係必需要用oil serum㗎喇。因為我係好乾,係面又乾,底又乾嘅。所以我就用油。跟住我就搽V7,因為我都會出去或者我有機會會化妝,同埋其實我唔化妝我面色唔夠好 (太夜瞓) 搽咗V7嘅話可以幫我改善下面色,未必需要化妝嘅,但你又想個面色好睇少少就用V7啦。 夜晚黑嘅程序呢? 我通常一係就化咗妝一係我就要落咗V7,所以我要卸妝。就用我哋個支好正嘅金盞花卸妝油。大家有冇用呀?呢支真係好好用,我哋浸咗半年嘅金盞花,有機橄欖油,佢係金黃色嘅。我哋有落乳香同檸檬落去,乳香對皮膚好好,差唔多可以落到乳香嘅護膚品,我都會落,好貴嘅護膚品入面都會有乳香,落妝油就乾手乾面用。 落完妝係必需要洗面嘅!大家記住:落妝還落妝,洗面係必需要嘅程序。 洗完面之後,我一個禮拜通常敷mask兩至三次。敷完洗乾淨塊面之後,我就會噴我哋支爽膚水,跟住就係眼霜,之後就係面霜,我就會用返Native Moisturizer。同埋我會用Golden Mask嘅,即係瞓覺嗰個面膜 (sleeping mask)。我會間住咁用,同埋會睇返皮膚需要,有時覺得夜晚都好乾嘅時候,真係一定會用Golden Mask敷住嚟瞓覺。 呢個就係我嘅日常。 你唔好覺得好煩喎。慣咗就得。成個程序都係十零分鐘,除咗敷mask要廿分鐘之外。Sleeping Mask 就瞓覺先用而唔需要額外時間。其實由洗面到完左程序都係十零分鐘。一日入面用十零分鐘都好少。已經步入三字頭,四字頭嘅朋友唔可以再忽視。我地唔可以太懶㗎!  
2021-04-09

mommy.A同阿b 示範自製環保酵素

  食咗啦個台灣鳳梨   啲皮我哋【自製咗環保酵素】   都係一個唔錯嘅親子活動    環保酵素(ECO Enzyme)點樣用? 清洗蔬菜水果:加30毫升或兩湯匙環保酵素在1 公升清水裏,浸泡30-45分鐘,可以清除果菜內的農藥。 清潔地板:加入30 毫升或兩湯匙環保酵素在抹地水中,可清洗和消毒地板。 清潔劑:可使用環保酵素摻入洗頭水、沐浴露、洗潔精等,可減少化學成份(比例:1份環保酵素:1 份洗潔劑:10份清水)。 除蟲/ 有機肥料:加水稀釋100倍,可用作天然除蟲、除草劑和有機肥料。連續將環保酵素澆在土地上3 個月,可改善土質,讓土地重現生機。 澆花、澆菜:一瓶蓋的酵素,加入1.5 公升的水。   環保酵素基本做法: 材料 1份黑糖/黃糖 3份果皮(平時食生果留低放雪櫃,我喜歡菠蘿皮、木瓜皮,啲酵素會比較香) 10份過濾水/蒸餾水 「糖: 生果皮 : 水」比例是1 : 3 : 10 (不一定是要以重量來計算) 片中阿b教你點做   另外,必須留相等於3份的空間 (發酵期間會有氣體, 第一個月須每日扭開蓋放氣。有些環保酵素經過一個禮拜後,便沒有強氣,那就不用再開蓋了。) 最後放在陰涼處,約3個月完成,過瀘出原液待用。留下的渣可以拿來曬乾,攪碎後埋在土裡充作肥料。 如果要製作出來的酵素有清香氣味,可以加橘皮、檸檬皮、菠蘿皮和木瓜皮等氣味較好的生果皮。做完後記得寫上製作日期。   環保酵素在第一個月發酵的時候,你會聞到會有酒精的味道;第二個月你就會開始聞到酸酸的味道,那個是醋酸,裏面很多的物質,礦物質維他命等等,再經分解後就產生了酵素。三個月過後,環保酵素就可以拿來使用了,它會非常的穩定! 當然三個月過後,你可以直接保留放著,不一定要馬上把酵素倒出來,它可以存放一年,兩年,三年,十年都沒問題,發酵6個月或以上的酵素最好,發酵期越久,裏面的分子會越小,因為它會繼續的發酵、分解。當分子越小的時候滲透力就越強,效果越佳。環保酵素不會過期,越久越醇。切勿放置冰箱,低溫會降低酵素的活性。   如果發現液體表面產生白色或棕色的漂浮物,不必理會,讓它繼續發酵。不同的環境,果菜會發酵出不同顏色的益菌,不必擔心 Our youtube channel: in good hands of      
2021-03-30