唔知你有冇聞到過，有啲長輩會有一種特別嘅氣味，尤其當你行入佢哋房間，果種味有啲似油溢咗，普遍叫做老人味 (我知個名唔係幾好聽) 😕

點解會有老人味？

主要係因為皮膚分泌一種叫「Omega-7油脂」嘅嘢。當氧化之後，就會產生2-壬烯醛，而出現嗰種味道。
隨著年紀增長，身體分泌嘅抗氧化物會逐漸減少，所以氧化物容易積聚。大約40歲左右😳就可能開始出現呢種體味。加上，2-壬烯醛係一種脂溶性物質，單靠沖涼係冇用嘅。

想減低呢種味，都有啲簡單嘅方法：

1. 食多啲Superfood
平時可以多食啲含高抗氧化嘅食物，例如藍莓、奇亞籽、大麻籽、牛油果、原始穀物、維生素C、維生素D、綠茶等等，呢啲對減少脂肪酸嘅氧化好有幫助。

2. 排汗
做運動、蒸氣浴或者去桑拿，呢啲都可以幫助你排出啲老舊嘅分泌物，減少2-壬烯醛嘅累積。

3. 天然精油
可以用一些純天然精油，例如薰衣草、有機澳洲尤加利或者有機檸檬草，呢啲精油唔單止香，仲有抗菌同消臭的效果，喺洗澡時加幾滴，或者噴喺枕頭同床周圍。
#100%純精油選擇

4. 天然消臭噴霧
靠天然分子包裹臭味然後消除，切勿用另一種香味嘗試掩蓋呢陣味，搞到個空間嘅氣味更加難聞。
#噴空間用 Room Spray 
#噴上身或衫用 Sport Spray

老人味係自然現象，年紀漸長都會有機會有，希望以上嘅方法可以幫到有需要嘅人，減少呢種氣味👃避免尷尬。