工欲善其事，必先利其器

 

學完最重要嘅安全守則之後，而家係時候準備你嘅「天然工作坊」喇！

 

好多新手媽媽會問：「係咪要買好多工具先可以開始？」

短答案係：NO！ 

簡單幾樣工具，配合 mommy.A+b 嘅基底油，已經可以創造出好多種呵護家人嘅配方。以下分享一啲實用嘅小幫手，同埋點樣按生活需要去揀合適嘅基底油。

 

工具無需複雜，關鍵在於用得其所。

 

  • 擴香工具：把香氣帶入屋

    • 超聲波香薰機/水氧機：最常見嘅做法，加水後滴入 2-4 滴精油。喺香港乾燥嘅冷氣房，可以順帶增加空氣濕度。簡單用蒸餾水或者過濾水，可以減少水垢積聚。

       

    • 薰香台/蠟燭擴香：利用蠟燭熱力揮發精油。用嘅時候要留意明火，同埋熱力可能會令精油狀態有少許改變。

       

    • 被動式擴香：如擴香石、木籤、石膏掛件。直接滴上精油，靠自然揮發。安全、無需用電，適合細範圍 (如廁所、衣櫃) 或對聲音敏感嘅空間 (如睡房)，會有一份淡淡嘅陪伴。

 

  • 塗抹工具：將呵護帶到皮膚

    • 深色玻璃滾珠瓶 (10ml)：新手必備！將調配好嘅油隨身帶住，方便得嚟亦比較衛生。深色玻璃可以保護精油，免受光線影響。

       

    • 玻璃滴管/量杯：用於準確量度基底油和調配複方油，亦能避免交叉污染。

       

    • 玻璃噴霧瓶 (50-100ml)：用來自製房間噴霧、 linen spray、或清潔噴霧。加入少量雙子醇 (可分散精油) 或高濃度酒精幫助精油與水融合。

     

  • 記錄工具：你嘅私家配方簿

    • 準備一本筆記本，記低每次調配嘅日期、配方比例同埋使用感受。慢慢累積，佢就會係你獨一無二, 一份最貼合家人需要嘅生活紀錄！

 

點樣為唔同目的，揀對基底油？

揀基底油，就好似幫精油搵一個最合適嘅「專屬座駕」，送佢去需要嘅地方。呢一篇舉一啲例子先，之後會逐支油詳細介紹。

 

1. 情境：全身按摩、嬰兒撫觸、敏感肌日常保養

 

  • 最佳選擇：No.51 有機冷壓甜杏仁油

     

  • 點解係佢？ 質地輕盈、吸收速度適中，提供足夠潤滑感，唔會覺得黏膩。佢溫和嘅特性幾乎適合所有人，係最唔會出錯嘅「萬用油」。幫 BB 按摩或者全家放鬆嘅時候，用落最安心。

     

2. 情境：極度乾燥、粗糙部位 (手肘、腳跟)、熟齡肌滋養、髮尾修護

 

  • 最佳選擇：No.52 有機冷壓牛油果油

     

  • 點解係佢？ 質地比較豐潤，呈深綠色，富含營養，帶來深層嘅滋養。喺皮膚需要多啲呵護嘅時候，可以單獨用，或者同較清爽嘅甜杏仁油以1:3比例混合，調配出適合嘅潤澤度。

     

3. 情境：面部精華、偏油或混合性肌膚、追求輕盈感

 

  • 最佳選擇：No.53 有機冷壓杏桃核仁油

     

  • 點解係佢？ 質地係三款中最輕薄爽滑嘅，吸收得快，皮膚摸落去係柔軟嘅感覺。分子細小，對面部皮膚或者容易泛油嘅狀態比較友善。

 

進階技巧

你可以將基底油混合，創造出你專屬嘅質地。例如：

 

  • 滋潤晚安面油：70% 杏桃核仁油 (No.53) + 30% 牛油果油 (No.52)

     

  • 全家適用按摩油：80% 甜杏仁油 (No.51) + 20% 杏桃核仁油 (No.53)

     

實戰嘗試：調配你第一支滾珠瓶

我哋就用最經典嘅「放鬆安眠」配方來開始！

 

  • 目標：睡前塗抹手腕或腳底，幫助身心進入放鬆狀態。

     

  • 工具：10ml 玻璃滾珠瓶 1個

     

  • 配方：

    • 基底油： No.51 甜杏仁油（填至九分滿，約 9ml）

    • 精油： No.01 真正薰衣草（加入 2 滴，維持約 1% 嘅溫和濃度）

       

  • 做法：

    1. 確保滾珠瓶洗淨並乾透。

    2. 先倒入基底油，再滴入精油。

    3. 擰緊瓶蓋，輕輕搖晃或滾動瓶子約 30 秒，讓兩者充分融合。

    4. 貼上標籤，寫低成分、日期同用途。

 

  • 點樣用？ 睡前塗抹喺手腕內側或者腳底，輕輕按摩至吸收。順帶深呼吸，感受薰衣草嘅鎮靜香氣。

     

開始你嘅創作之旅

工具同基底油都準備好，你已經擁有咗創造嘅力量！從一支簡單嘅滾珠油開始，慢慢感受天然香氣帶俾你同屋企人嘅改變。

 

預告

萬事俱備，我哋終於要深入認識每一支油！下一篇，我哋會率先深入了解 《No.51 有機冷壓杏仁油》 ，睇下呢支BB肌到熟齡肌都啱嘅萬用打底王可以點樣融入生活！

 

下次見！
 

~mommy.A