上一篇同大家分享咗我嘅故事，多謝一啲暖心嘅回應。

 

今日就帶大家快速認識 mommy.A+b 呢 3 款基底油同 8 支精油。

 

收藏呢篇，以後需要調配嘅時候，隨時翻查就得。

 

先揀返支底油：3 款100% 有機冷壓基底油

底油就好似泥土咁，係最基本嘅嘢。單單用佢已經可以滋潤皮膚，而高品質嘅精油更需要佢，先可以安全有效咁帶入身體。我哋堅持用有機同冷壓，係想留住植物最原本嘅營養。

 

 

1. No.51 有機冷壓甜杏仁護理油｜好親膚，平時最經常用佢

  • 身體感受：質地好輕，有豐富嘅維他命 E，幫皮膚補水之餘，完全唔會覺得笠。佢好親膚，可以幫你軟化皮膚，摸落去滑順啲。

  • 點樣用：乜嘢膚質都啱，尤其係乾性、易敏、或者小朋友嫩滑嘅皮膚。如果你想做全身按摩，或者第一次稀釋精油，揀佢做基地最穩陣。

  • 簡單記住佢：「唔知用邊支好？揀甜杏仁油就冇錯。」

 

 

2. No.52 有機冷壓牛油果護理油｜深度滋養嘅修復

  • 身體感受：質地比較厚實、滋潤，入面有卵磷脂同維他命 A、D、E。佢可以滲得深啲，幫你餵飽啲極度乾燥、粗糙或者熟齡嘅皮膚。

  • 點樣用：皮膚乾到有啲痛、髮尾開叉、或者手肘腳跟好厚繭嘅時候，用佢慢慢按摩，等皮膚吸收。

  • 一句記住佢：「皮膚乾到裂？搽佢，俾啲時間等皮膚慢慢吸收養分。」

 

3. No.53 有機冷壓杏桃核仁護理油｜好輕身，唔鍾意油感就揀佢

  • 身體感受：質地比甜杏仁油仲要清爽，好容易被皮膚吸收，用完之後皮膚會變軟，但唔會油笠笠。

  • 點樣用：搽面、或者你係油性/混合性皮膚，又或者你唔鍾意太厚重嘅油感。呢支係做面部精華油嘅最好選擇。

  • 一句記住佢：「想搽面又怕油？試下呢支，你會鍾意嗰種軟滑感。」

     

     

大自然嘅精粹：8 支 100% 純精油

精油係植物嘅靈魂。我哋嘅精油係 100% 純粹，冇添加。下面我標記咗每支嘅「狀態」，等你知道佢可以點樣陪住你。

 

編號

名稱

能量屬性

關鍵字

日常應用一句話

No.01

真正薰衣草

鎮靜

🩹護理小傷 🌙安睡放鬆  

🌸舒緩敏感

瞓唔著？搽一滴在枕頭，或者稀釋按摩腳底。

No.02

薄荷

醒神

⚡ 提神醒腦 ❄️降溫通爽  

💪舒緩繃緊

瞌眼瞓或頭痛？深深吸聞，即時醒腦。（幼兒只稀釋搽腳底）

No.03

檸檬草

淨化

🦟驅除蚊蟲  🧼淨化空氣 

💪舒緩筋腱

夏天多蚊？自製噴霧，淨化空氣兼趕蚊。

No.06

檸檬

光亮

😊提振心情 🧼潔淨去油 

🍃清新空氣

屋企有漬？加幾滴落清潔劑。情緒低落？擴香喚醒心情。

No.08

絲柏

收斂

🔁促進循環 💧舒緩濕重           ⚖ 平衡情緒

覺得浮腫？搭配基底油按摩腿部，促進循環。

No.09

澳洲尤加利

暢通

🌬 順暢呼吸 🛡抗菌防護 

✨空氣清新

鼻塞唔舒服？蒸薰吸聞，即時呼吸道感覺通爽。

No.11

廣藿香

穩定

🌱安定情緒 ✨淡化印痕 

🌍紮根放鬆

心神不定？擴香安撫情緒。蚊咬留疤？稀塗有助袪印。

No.15

生薑

溫熱

🔥溫暖身體  🍽 促進消化 

💪舒緩疼痛

手腳冰冷？稀釋按摩腹部同腳底，由內暖到外。

 

 

想試下用？可以咁樣開始

認識咗呢 11 位成員，如果你心郁郁想試，我建議：

 

 

  • 新手入門： 試下一支甜杏仁油（No.51）同真正薰衣草（No.01）。呢個組合最安全、最萬用，已經可以處理好多日常小問題。

 

  • 睇返自己嘅需要： 諗下你而家最想處理邊種感覺？係想瞓得好啲，定係想對腳輕鬆啲？對號入座就得。

 

  • 安全第一： 記住，精油濃度好高，一定要經底油稀釋先好搽喺皮膚度。如果你係孕婦、屋企有小朋友、或者有長期病患，用之前記得睇清楚指引。

 

屬於你嘅自然探索

呢個summary算係一個起點。之後我會一支支、一對對咁同大家分享佢哋點樣幫到我。

或者你有冇對邊支油最有興趣？而家最想解決咩生活小煩惱？

 

下次見！
 

~ mommy.A